ДАНҒАРА. Дар доираи Соли баланд бардоштани масъулияти шаҳрвандӣ.Бо иқдоми пешгирифтаи Кумитаи иҷроияи ҲХДТ дар ноҳияи Данғара дар ташкилоти ибтидоии “Шабафрӯз”-и ҷамоати деҳоти Лоҳур оид ба самтҳои афзалиятноки фаъолияти ҳизбӣ хониши сиёсӣ баргузор гардид.
Дар ҳамоиши ҳизбӣ Каримов Пирмуҳаммад раиси Кумитаи иҷроияи ноҳиявӣ дар бораи дастаҷамъона саҳмгузорӣ дар корҳои ободониву созандагӣ дар доираи Аксияи ҳизбии “Якҷоя ҳал мекунем!”, истиқболи сазовори 30-солагии Истиқлолияти давлатӣ, татбиқи самараноки барномаҳои созандагии рушди маҳал ва деҳот, шукргузорӣ аз Ваҳдату Истиқлолияти давлатӣ, ҷалби занону бонувон барои касбомӯзӣ, таъсиси сехҳои дӯзандагӣ барои занони хонашин, огоҳонидани сокинон аз паёмаду хатарҳои терроризм ва экстремизм ҳамчун зуҳуроти манфӣ ва номатлуби ҷомеа суҳбат карда, аз иштирокдорон ҷиҳати саҳм гузоштан дар корҳои созандагӣ ҳидоят намуд.
