ТЕМУРМАЛИК.Ба истиқболи сазовори ҷашни 30-солагии Истиқлолияти давлатӣ. Дар ташкилоти ибтидоии ҳизбии “Қиблаӣ” Кумитаи иҷроияи ҲХДТ дар ноҳияи Темурмалик масъулини ҳизбӣ хониши сиёсӣ доир намуданд.
Дар рафти мулоқот нахуст суҳбат атрофи ба вуҷуд овардани мафкураи зиддикорупсионӣ дар миёни аҳолӣ, ҳамкории аҳолӣ бо мақомотҳои давлатӣ дар самти ошкор намудани ҷиноятҳои хусусияти иқтисодидошта, пешгирии ҷавонон аз шомилшавӣ ба ҳизбу ҳаракатҳои ифротӣ, бо ташаббуси Пешвои миллат, Раиси муаззами ҲХДТ муҳтарам Эмомалӣ Раҳмон баргардонидани 84 нафар ноболиғони тоҷик аз давлатҳои ҷангзада, бетартибиҳои оммавӣ дар муассисаи ислоҳии 3\2 Сарраёсати иҷрои ҷазои ҷиноятии Вазорати Адлияи Ҷумҳурии Тоҷикистон, ки рӯзи 19,05,2019 рух дода буд суханронӣ намуданд.
Дар фарҷоми мулоқот вобаста ба татбиқи қисмати амалии Аксияи ҳизбии «Якҷоя ҳал мекунем!» бинои варзишии муассисаи таълимӣ, ки таъмирталаб буд, дар якҷоягӣ аз нав таъмир карда шуд.
