Ҷ.БАЛХӢ. Дар ташкилоти ибтидоии ҳизбии «Маркази саломатӣ»-и ноҳияи Ҷалолиддини Балхӣ тибқи нақшаи кории Кумитаи иҷроияи ҲХДТ дар ноҳия вохӯри доир гардид.
Дар вохӯрии мазкур мудири шуъбаи таблиғот иттилоот ва матбуоти Кумитаи иҷроияи ҲХДТ дар ноҳияи Ҷалолиддини Балхӣ Алиев Зафар, мутахассиси шуъбаи ташкили ва баҳисобгирии Кумитаи иҷроияи ҲХДТ дар ноҳия Асоев Хизирдин ва Духтури асабшинос дар ноҳия Саидов Хуррам, иштирок дошта, доир ба Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ, сиёсати давлат дар соҳаи тибб, тарбияи дурусти насли наврас ва ҷавонон, мубориза бо терроризм ва экстремизм, омодагӣ ба таҷлили санаҳои фархундаи давлативу миллӣ баромад карданд.
