ҲАМАДОНӢ.Дар доираи иҷрои амалии Аксияи тарғиботӣ-амалии ҳизбӣ таҳти унвони «Якҷоя ҳал мекунем!» кормандони Кумитаи иҷроияи ҲХДТ дар ноҳияи Ҳамадонӣ ба хоҷагии деҳқонии «Шодиҷон», ки роҳбараш Абдусаттор Камолов мебошад, бо 120 бех навниҳолони шафтолу, зардолу, бодом ва нок таъмин карданд. Кормандони Кумитаи иҷроияи ҲХДТ дар ноҳия дар шинонидани навниҳолон ба кормандони хоҷагии деҳқонии номбурда ёрии амалии худро расониданд.
Мудири шуъбаи таблиғот, иттилоот ва матбуоти Кумитаи иҷроияи ҲХДТ дар ноҳия Гадоӣ Сайдалиев зикр кард, ки бояд аз ҳисоби самаранок истифода бурдани замин, ба гардиши кишоварзӣ ворид намудани заминҳои бекорхобида ва азхудкунии заминҳои нав, баланд бардоштани ҳосилнокии зироатҳо ва рушди соҳаи тухмипарварӣ, зиёд кардани масоҳати гармхонаҳои доимамалкунанда ва шумораи сардхонаҳо барои нигоҳдории меваю сабзавот оид ба беҳтар намудани таъминоти бозори истеъмолӣ бо маҳсулоти босифати кишоварзӣ ва афзун намудани ҳаҷми содироти маҳсулоти он чораҳои қатъӣ андешида шаванд, омадааст дар Паёми навбатии Пешвои миллат, Президенти кишвар муҳтарам Эмомалӣ Раҳмон ба Маҷлиси Олии Ҷумҳурии Тоҷикистон.
