КУШОНИЁН. Барои сазовор пешвоз гирифтани 30- солагии Истиқлолияти давлатии Ҷумҳурии Тоҷикистон ва иҷрои Аксияи тарғиботӣ-амалии ҳизбӣ таҳти унвони “Якҷоя ҳал мекунем!” дар тамоми гӯшаву канори ноҳияи Кушониён таҳти шиори “Созандагӣ ва бунёдкорӣ мроми мост!” бо ҷалби аъзо ва ҷонибдорони ҲХДТ чорабиниҳо баргузор шуда истодааст.
Ташаббуси навбатии ватандӯстонаи ҳизбиёнро ҳамагон бо хушнудӣ пазируфта, дар кӯчаи ба номи Ибни Синои ҷамоати шаҳраки Исмоили Сомонӣ, бо ҷалби аъзо ва ҷонибдорони Ҳизби Халқии Демократии Тоҷикистон корҳои хуррамгардонӣ ташкил карда шуда, дар он кӯчаву хиёбонҳоро ба тартиб дароварда, ҷӯйборҳои обгузарро аз партовҳо тоза карда, зери ниҳолҳоро нарм намуда, роҳи марказии шаҳрак бо 8 адад симчӯби барқӣ бо насби фурӯзонакҳои каммасраф чароғон намуданд.
