ШАҲРИТУЗ. Тибқи нақшаи кории Кумитаи иҷроияи Ҳизби Халқии Демократии Тоҷикистон дар Қасри фарҳанги ноҳияи Шаҳритуз хониши сиёсӣ бо иштироки раиси Кумитаи иҷроияи ҲХДТ дар ноҳия Шаропов Ҳомидҷон, муовини раиси Кумитаи иҷроия Ачилдиев Турдимурод ва мудири шуъбаи кор бо занон ва ҷавонони Кумитаи иҷроияи ҲХДТ дар ноҳия Тӯйчиева Садбарг бо иштироки кормандони ташкилоти номбурда вохӯрӣ баргузор гардид.
Дар ин вохӯрӣ оид ба самтҳои афзалиятноки фаъолияти ҳизб, муҳтавои Паёми Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ҳадафҳои асосии сиёсати дохилӣ ва берунии кишвар, эълон шудани солҳои 2019- 2021 Солҳои рушди деҳот, сайёҳӣ ва ҳунарҳои мардумӣ, ба фаъолият оғоз кардани агрегати якуми Нерӯгоҳи барқи обии Роғун, ва мохияти Аксияи тарғиботӣ-амалии ҳизбӣ таҳти унвони “Якҷоя ҳал мекунем!”-ро мавриди баррасӣ қарор дода, аз иштирокдорон барои дар амал татбиқ намудани Аксияи ҳизбӣ даъват ба амал оварданд.
