Н.ХУСРАВ. Тибқи ҷадвали мувофиқа ва тасдиқгардидаи Кумитаи иҷроияи ҲХДТ дар ноҳияи Носири Хусрав вобаста ба амалӣ намудани самтҳои афзалиятноки фаъолияти ҲХДТ, ҷалби васеи мардум ба татбиқи ҳадаф ва мақсадҳои созандаи ҲХДТ ва амалӣ намудани нуктаҳои Паёми имсолаи Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон дар ташкилоти ибтидоии ҳизбии “Муассисаи давлатии назорати роҳҳои автомобилгард”-и ноҳия вохӯрӣ баргузор гардид.
Вохӯриро раиси Кумитаи иҷроияи ҲХДТ дар ноҳия Алиева Сураё ифтитоҳ намуда қайд кард, ки таҳти таассуроти Паёми имсолаи Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон қарор дорем. Ман ҳамчун иштирокчиии бевоситаи баргузори Паёми мазкур таассуроти худро ба шумо фаҳмонида қайд карданиям, ки дар Паёми худ Президенти Ҷумҳурии Тоҷикистон таъкид намуданд, ки дар шароити Тоҷикистон, ки 93 фоизи қаламрави он аз кӯҳҳо иборат аст, соҳаи нақлиёту коммуникатсия барои таъмин намудани рушди иҷтимоиву иқтисодӣ аҳамияти бузург доранд. Дар давраи соҳибистиқлолӣ дар кишварамон аз ҳисоби лоиҳаҳои давлатии сармоягузорӣ беш аз 2100 километр роҳҳои монишингшарди дорои аҳамияти байналмилаливу ҷумҳуриявӣ ва зиёда аз 1000 километр роҳҳои мошингарди дохилӣ аз ҳисоби дигар сарчашмаҳои маблағгузорӣ бунёду таҷдид гардиданд. Дар доираи ҳамин маблағгузориҳо дар ноҳияи мо низ вазъи роҳҳо хеле беҳтар шуда, қариб зиёда аз 6 км роҳҳои дохили ноҳия асфалтпӯш карда шуд.
