ПАНҶ. Санаи 26-уми декабри соли 2018 Паёми навбатии Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон, Раиси муаззами ҳизб муҳтарам Эмомалӣ Раҳмон ба Маҷлиси Олии Ҷумҳурии Тоҷикистон тариқи телевизион мустақиман пахш гардид.
Кормандони масъули Кумитаи иҷроияи ҲХДТ дар ноҳияи Панҷ мисли тамоми мардуми шарафманди кишвар бо муҳтавои он пурра шинос гардиданд.
Паёми навбатии Пешвои миллат- Паёми пурмуҳтаво, таҳлилӣ ва фарогирандаи тамоми самтҳои дохилӣ ва хориҷии кишвар буда, чун Паёмҳои қаблӣ пурра ба манфиат ва баҳри баланд бардоштани сатҳи некӯаҳволии мардум нигаронида шудааст.
Воқеан ҳам, Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон аз нигоҳи ватандорӣ моро ба бунёдкорӣ, созандагӣ, худшиносии миллӣ, дӯстдории обу хоки сарзамин ҳидоят менамояд.
