БОХТАР. Дар ташкилоти ибтидоии ҳизбии “Беморхонаи пӯст” тибқи ҷадвали баргузории хониши сиёсӣ вобаста ба самтҳои афзалиятноки фаъолияти ҲХДТ вохӯрӣ баргузор гардид.
Дар ин вохӯрӣ мудири шуъбаи таблиғот, иттилоот ва матбуоти Кумитаи иҷроияи ҲХДТ дар шаҳри Бохтар Ализода Одил ва мудири шуъбаи кор бо занон Ҳакимова Волида иштирок намуда, оид ба самтҳои афзалиятноки фаъолияти ҳизбӣ суханронӣ карда қайд намуданд, ки Ҳизби Халқии Демократи Тоҷикистон ҳизби мардумӣ мебошад. Зеро мафкураи ҳифзи арзишҳои миллӣ ва фарҳангии Тоҷикистон дорост. Ғояи аслии ин ҳизб низ он аст, ки тамоми шаҳрвандон барои таҳкими давлатдории миллӣ хеш кӯшиш намоянд ва қувваи пешбарандаи ҳамин ғоя бояд ҳамин ҳизб бошад.
Сипас, доир ба яке аз самтҳои афзалиятноки фаъолияти ҳизбӣ, аз ҷумла баланд бардоштани маърифат ва масъулияти шаҳрвандон бо мақсади пешгирӣ аз паҳншавии бемориҳои сироятӣ” суханронӣ намуда, ба аъзои ташкилот маърӯзаи хубе пешкаш намуд.
