ПАНҶ. Дар муассисаи таҳилоти миёнаи умумии №12-и ноҳия бо ташаббуси масъулони Кумитаи иҷроияи ноҳия хониши сиёсӣ дар мавзӯъи «Истифодаи дурусти технологияи муосир ва шабакаҳои иҷтимоӣ» роҳандозӣ гардид.
Вақтҳои охир гурӯҳҳои ифротӣ, тундгаро ва террористию экстремистӣ шабакаҳои иҷтимоиро як воситаи осони ба сафҳои худ ҷалб намудани ҷавонони гумроҳро интихоб намудаанд.
Бо истифода аз шабакаҳои иҷтимоии маъмулӣ ба монанди «В-контакте», «Фейсбук», «Зелло» ҷавонон ба гурӯҳҳои террористӣ-эктремистӣ шомил гардида, мағзшӯи шуда, зери таъсири онҳо қарор мегиранд. Ба ивази маблағҳои калон барои иҷрои корҳои ҷиноятӣ даст мезананд. Ғайр аз ин хатари дигари шабакаҳои иҷтимоӣ ин ташвиқ ва таблиғи фарҳанг ва расму ойини бегона мебошад, ки ҷавонон зуд ба он дода мешаванд. Ҳамчунин, дар ҷараёни баромад Файзиев Каримҷон оид ба ҳодисаи дар Варшаваи Лаҳистон бо намояндагони Тоҷикистон рух дода, суҳбати хоса намуда, бо исботу далел дар бораи амалҳои аз тарафи гурӯҳҳои террористии дар кишвар мамнӯъ суханронӣ намуд.
Дар идома даъват ба амал оварда шуд, ки омӯзгорон фарҳанги истифодаи дуруст ва мақсадноки интернет ва шабакаҳои иҷтимоиро тарғиб намуда, насли ҷавонро дар рӯҳияи одобу ахлоқ ва миллатдӯстиву меҳанпарастӣ тарбия намоянд.
Баъдан, Шомаҳмадзода Музаффар оид ба Даҳсолаи байналмилалии амал «Об барои рушди устувор, 2018-2028», ки аз ҷониби Асосгузори сулҳу ваҳдати миллӣ -Пешвои миллат, Президенти кишвар муҳтарам Эмомалӣ Раҳмон боз як марҳилаи муҳим дар раванди муттаҳид гардонидани талошҳои дастаҷамъонаи кишварҳои дунё баҳри расидан ба ҳадафҳои рушди устувор вобаста ба об хоҳад шуд. Татбиқи ташаббуси навбатии Президенти мамлакат муҳтарам Эмомалӣ Раҳмон дар амиқ дарк намудани аҳамияти об, амалҳои мушаххас барои рушди устувор оид ба захираҳои об, рушди соҳаи иҷтимоиву иқтисодиёт, ҳифзи муҳити зист ва ҳам таъмини сулҳу субот дар минтақа ва миқёси ҷаҳон саҳми арзанда мегузорад.
