ШАҲРИТУЗ. Дар ташкилоти ибтидоии хизбии «Маркази саломатӣ» бо иштироки раиси Кумитаи иҷроияи ҲХДТ дар ноҳияи Шаҳритуз Носирзода Абдукарим бо кормандони соҳаи тандурустӣ хониши сиёсӣ баргузор гардид.
Зимнан Абдукарим Носирзода дар назди ҷамъомадагон оид ба шарҳу тавзеҳи нуктаҳоим асосии Паёми Пешвои миллат, Президети Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон, самтҳои афзалиятноки фаъолияти ҲХДТ, баланд бардоштани маърифат ва масъулияти шаҳрвандон бо мақсади пешгирӣ аз паҳншавии бемориҳои сироятӣ, тарғиби тарзи ҳаёти солим мавриди баррасӣ қарор дода, афзуд, ки табибон дар сафи пеши ҷомеа қарор доранд, чунки солимии миллат ва пояндагии давлат аз фаъолияти пурсамару софдилонаи онҳо вобастагӣ дорад.
