ШАҲРИТУЗ. Дар ташкилоти ибтидоии ҳизбии «Маорифчиён» - и ноҳияи Шаҳритуз бо иштироки мудири шуъбаи кор бо занон ва ҷавонон Кумитаи иҷроияи ҲХДТ дар ноҳияи Шаҳритуз Абдуллоева Шоира хониши сиёсӣ вобаста ба самтҳои афзалиятноки фаъолияти ҲХДТ баргузор гардид.
Зимнан Абдуллоева Шоира дар назди ҷамъомадагон оид ба самтҳои афзалиятноки фаъолияти ҲХДТ, Соли рушди сайёҳӣ ва ҳунарҳои мардумӣ, оғози Даҳсолаи байналмилалии амал «Об барои рушди устувор, солҳои 2018-2028», озмунҳои ҳизбӣ таҳти унвонҳои «Тарроҳи Хатлон», «Маликаи Хатлон», «Беҳтарин намоиши ҳунарҳои мардумӣ дар сатҳи маҳал», «Беҳтарин муаррификунандаи мавзеъҳои сайёҳӣ», «Армуғони хатлонӣ», Аксияи тарғиботӣ-амалии ҳизбӣ таҳти унвони «Якҷоя ҳал мекунем!» ва “Мактаб даргоҳи маърифат” андешаронӣ намуда, моҳияти озмунҳо ва аксияҳои ҳизбиро ба ҳамагон фаҳмонид.
