ДАНҒАРА. Тибқи нақша-чорабиниҳои Кумитаи иҷроияи ҲХДТ дар ноҳияи Данғара дар деҳаи Даштаки ҷамоати деҳоти Лолазор хониши сиёсӣ оид ба самтҳои афзалиятноки фаъолияти ҳизбӣ вохӯрӣ доир карда шуд.
Зимни баргузории вохӯрӣ доир ба пешгирии шомилшавии ҷавонон ба ҳизбу ҳаракатҳои ифротию террористӣ, эҳё ва рушди ҳунарҳои мардумӣ, риояи қонунҳои миллӣ, созандагию ободкорӣ, омодагӣ ба тирамоҳу зимистони дар пеш истода, тарбияи ватандӯстиву хештаншиносии ҷавонон, моҳияти Истиқлолияти давлатӣ, суҳбат доир карда шуд.
Дар вохӯрии мазкур зикр гардид, ки Ҳукумати Ҷумҳурии Тоҷикистон барои беҳтар гардонидани вазъи некӯаҳволии халқи Тоҷикистон барномаҳои зиёдеро то имрӯз татбиқ намудааст ва барномаҳои зиёде дар ҳамин самт татбиқ шуда истодааст.
Эълон гардидани соли 2018 ҳамчун соли рушди сайёҳӣ ва ҳунарҳои мардумӣ худ идомаи сиёсати мантиқии Ҳукумати Ҷумҳурии Тоҷикистон ба хотири боз ҳам борои бо суръату сифатнок расидан ба ҳадафҳои олии гузошташудаи мо мебошад.
