НОРАК. Тибқи ҷадвали баргузории вохӯриву мулоқотҳо, ки дар маҷлиси Кумитаи иҷроияи Ҳизби Халқии Демократии Тоҷикистондар шаҳри Норак тасдиқ шудааст, дар ташкилоти ибтидоии «Молия» вохӯрӣ доир гардид.
Дар вохӯрӣ раиси Кумитаи иҷроияи ҲХДТ дар шаҳри Норак Қумриниссо Гулмуродзода иштирок ва суханронӣ намуд.
Нахуст, Гулмуродзода Қумриниссо оид ба нуктаҳои асосии Паёми Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон, самтҳои афзалиятноки фаъолияти ҲХДТ, баланд бардоштани сатҳи огоҳии мардум аз хатари терроризму экстремизм ва роҳҳои пешгирӣ аз он, аз байн бурдани таассуби динӣ ва хурофотпарастӣ, пешгирӣ аз бегонапарастиву майл ба фарҳанги бегона, пешгирӣ аз истифодаи нодурусти технологияи муосир ва шабакаҳои иҷтимоӣ баромад намуда, ҳодисаи нангини рухдода дар роҳи ноҳияи Данғараро мавриди муҳокима қарор дода, дар якҷоягӣ бо ҷамъомадагон ҳамлаи ноҷавонмардонаи ТТЭ ҲНИ-ро сахт маҳкум карданд.
