ПАНҶ. Намояндагони Кумитаи иҷроияи ноҳиявии ҳизб дар ташкилоти ибтидоии «Маорифчиён» хониши сиёсӣ роҳандозӣ намуданд.
Дар рафти хониши сиёсӣ, ки қишри зиёии ҲХДТ даври ҳам омада буданд, амали муғризонаву нопоки наҳзатиёни террорист дар ноҳияи Данғараро маҳкум карданд.
Инчунин, оид ба баланд бардоштани сатҳи огоҳии мардум аз хатари терроризму экстремизм ва пешгирӣ намудани роҳҳои ҷалби шаҳрвандон ба ташкилотҳои экстремистиву террористӣ, пешгирӣ аз хатари ҳизбу ҳаракатҳои дар Ҷумҳурии Тоҷикистон мамнӯъ ва ба амнияти кишвару аҳолии он хатарзо, пешгирӣ аз бегопарасатию майл ба фарҳанги бегона, тарғиби нақши урфу одат ва анъанаҳои неки мардумӣ дар байни сокинон бо мақсади тарбияи ахлоқиву маънавии ҷомеа табодули афкор намуданд.
