МАЪРАКАИ НИҲОЛШИНОНӢ - ҚАДАМИ УСТУВОР ДАР РОҲИ ОБОДОНИИ ШАҲРИ ЛЕВАКАНТ

Бо мақсади иҷрои дастуру супоришҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оид ба татбиқи «Барномаи давлатии кабудизоркунии Ҷумҳурии Тоҷикистон барои давраи то соли 2040» дар шаҳри Левакант маъракаи ниҳолшинонӣ баргузор гардид.

Иқдоми мазкур бо ташаббуси бевоситаи Кумитаи иҷроияи Ҳизби Халқии Демократии Тоҷикистон дар вилояти Хатлон роҳандозӣ шуда, дар шафати роҳи мошингарди Бох

тар - Данғара амалӣ гардид. Маъракаи ниҳолшинонӣ дар доираи эълон гардидани соли 2026 ҳамчун “Соли вусъат додани корҳои ободониву созандагӣ ва тақвияту таҳкими худшиносиву худогоҳии миллӣ”, инчунин дар партави иқдомҳои «300 рӯзи созандагиву бунёдкорӣ ва масъулият барои ояндаи дурахшони Ватан» ва ташаббуси ҳизбии «365 рӯзи ободонӣ, созандагӣ ва бунёдкорӣ» бахшида ба 35-солагии Истиқлоли давлатии Ҷумҳурии Тоҷикистон роҳандозӣ гардид.

Дар маъракаи ниҳолшинонӣ Саидзода Ҷамшед Ҳамро, раиси Кумитаи иҷроияи Ҳизби Халқии Демократии Тоҷикистон дар вилояти Хатлон, кормандони Кумитаи иҷроияи вилоятии ҳизб ва шаҳри Левакант иштирок намуданд.

Зимни тадбир 100 бех дарахти туя шинонида шуд. Қайд кардан ба маврид аст, ки иқдоми мазкур ба беҳдошти вазъи экологӣ, тозагии муҳити зист ва зебогардонии ҳудуди канори

шоҳроҳ мусоидат намуда, барои фароҳам овардани муҳити тоза замина мегузорад.

Бо мақсади таъмин намудани сабзиши босифати ниҳолҳо, масъулон уҳдадор шудаанд, ки дар фаслҳои баҳору тобистон онҳоро мунтазам обёрӣ ва нигоҳубин намоянд. Ҳамзамон, Кумитаи иҷроияи вилоятии ҳизб тасмим гирифтааст, ки дар оянда иқдоми ниҳолшинониро дар гирду атрофи оромгоҳҳои воқеъ дар шафати шоҳроҳҳо низ амалӣ созад.

Айни ҳол дар шаҳру ноҳияҳои вилояти Хатлон маъракаҳои ниҳолшинонӣ бо маром идома дошта, сокинон бо чунин тадбирҳои созанда ҷашни 35-солагии Истиқлоли давлатии Ҷумҳурии Тоҷикистонро бо дастовардҳои назаррас истиқбол мегиранд.

Аҳлиддини МУБОРАКШОҲ,

“Ҳамрози халқ”