ЁВОН: Дар арафаи оғози соли нави таҳсили 2025–2026 бо ташаббуси раиси ташкилоти ибтидоии ҳизбии "Баҳористон-1"-и маҳаллаи Абдураҳмони Ҷомии Ҷамоати шаҳраки Ёвон Қарахонов Акмал ва саҳми шахсони саховатманду соҳибкорони ватандӯсти маҳалла ба як гурӯҳ хонандагони нимятим ва оилаҳои ниёзманд аз муассисаи таълимии рақами 45-и ноҳия сару либоси мактабӣ ва лавозимоти хониш тақдим карда шуд.
Ин иқдоми хайрхоҳона дар доираи сиёсати иҷтимоии Пешвои миллат муҳтарам Эмомалӣ Раҳмон оид ба дастгирии табақаҳои эҳтиёҷманд амалӣ гардида, ҳадаф аз он фароҳам овардани шароити баробари таҳсил барои ҳамаи кӯдакон мебошад.
