БАРОИ ПЕШРАФТ ВА САОДАТИ ХАЛҚИ ТОҶИКИСТОН

БОЗДИД АЗ ЗАМИНИ НАЗДИҲАВЛИГИИ СОКИНИ МАҲАЛЛАИ НАВОБОД

14 август дар доираи сафари корӣ Каримзода Мирзоқосим, муовини Раиси Ҳизби Халқии Демократии Тоҷикистон, Саидзода Ҷамшед Ҳамро, раиси Кумитаи иҷроияи ҲХДТ дар вилояти Хатлон, Муминзод Абдулмаҷид Мубин, раиси шаҳри Бохтар ва Ташрифзода Амиралӣ, раиси Кумитаи иҷроияи ҲХДТ дар шаҳри Бохтар, аз фаъолияти заминҳои наздиҳавлигии сокинон боздид ба амал оварданд.
Меҳмонон аз замини наздиҳавлигии сокини маҳаллаи Навобод, хонаи Ҳамзаев Абдувалӣ дидан намуданд. Дар ҷараёни боздид, онҳо бо тарзи истифодаи дурусти замин, кишти маҳсулоти гуногуни хоҷагӣ ва татбиқи усулҳои обёрии сарфакорона шинос шуданд. Ҳамзаев Абдувалӣ бо истифодаи босамар аз ҳар порчаи замин, зироатҳои полезӣ, сабзавот ва дарахтони мевадиҳандаро парвариш намуда, барои таъмини оилаи худ ва дастрасии бозори маҳаллӣ бо маҳсулоти тару тоза саҳми арзанда мегузорад.
Ҳангоми суҳбат бо соҳибзамин, меҳмонон аҳамияти истифодаи оқилонаи ҳар ваҷаб заминро таъкид карданд. Каримзода Мирзоқосим зикр намуд, ки дастуру ҳидоятҳои Пешвои миллат муҳтарам Эмомалӣ Раҳмон оид ба рушди соҳаи кишоварзӣ, таъмини амнияти озуқаворӣ ва баланд бардоштани сатҳи зиндагии мардум бояд роҳнамои асосии фаъолияти ҳар як шаҳрванд бошад.
Саидзода Ҷамшед Ҳамро иброз дошт, ки таҷрибаи Абдувалӣ намунаи ибрат барои дигар сокинон буда, истифодаи оқилонаи замин метавонад на танҳо оила, балки иқтисодиёти маҳалро низ рушд диҳад. Муминзод Абдулмаҷид Мубин ва Ташрифзода Амиралӣ низ дар навбати худ аз заҳматкашии ин оила ситоиш намуда, бар зарурати густариши чунин таҷрибаҳо дар байни сокинон таъкид карданд.
Дар охир, бо мақсади ҳавасманд гардондани сокинон, Каримзода Мирзоқосим, муовини Раиси Ҳизби Халқии Демократии Тоҷикистон дастур дод, ки чунин хоҷагиҳои намунавӣ аз ҷониби сохторҳои дахлдор дастгирӣ ёбанд ва таҷрибаи онҳо ба таври васеъ таблиғ шавад.
Аҳлиддини МУБОРАКШОҲ,
“Ҳамрози халқ”
 

Суроғаи мо:

вилояти Хатлон

735140  шаҳри Бохтар

кӯчаи. Айни №47

Бинои маъмурии Кумитаи иҷроияи ҲХДТ дар вилояти Хатлон

 

Тамос:

Email: info@hkhdtkhatlon.tj

viloyathkhdtkhatlon@mail.ru

Tel: (83222) 2-94-19
Fax: (83222) 2-12-12

 

Саҳифаи Кумитаи иҷроияи ҲХДТ дар вилояти Хатлон дар шабакаи ЮТУБ

afz5_0.jpg