ПАНҶ. Бо ташаббуси кормандони Кумитаи иҷроияи ҲХДТ дар ноҳияи Панҷ оид ба тарғибу ташвиқи муҳтавои Паёми Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон бо донишҷӯёни Литсейи касбӣ –техникии №51 дар мавзуи «Терроризм ва экстремизм -омили номатлуб ва хатаровари ҷомеа» вохӯрӣ гузаронида шуд.
Дар ҷамъомад мудири шуъбаи таблиғот ва иттилооти Кумитаи иҷроия вобаста ба масъалаҳои болозикр баромадҳо карда, бобати пешгирии ҷавонон ба ҳизбу ҳаракатҳои мамнуъ, аз ҷавонон даъват ба амал овард, ки набояд онҳо ба ҳар гуна суханони бардурӯғи гурӯҳҳои ифротӣ бовар созанд, аз пайи илму дониш ва ҳунаромӯзии хеш гарданд.
