ДӮСТӢ. Бо иштироки узви Кумитаи иҷроияи ҲХДТ дар вилояти Хатлон, и.в.раиси ноҳияи Дӯстӣ Нишонзода Даврон, муовини якуми раиси ноҳия Ибодуллозода Асадулло, раиси Кумитаи иҷроияи ҲХДТ дар ноҳияи Дӯстӣ Абдулҳафиз Қурбонов, раиси ҷамоати шаҳраки 20-солагии Истиқлоли давлатӣ Раҷаббек Абдуллоев ва мудири бахши ҳифзи муҳити зисти ноҳия Файзиддин Умаров дар деҳаи Зафаробод маъракаи ниҳолшинонӣ доир гардид.
Дар рафти ҷорабинӣ зиёда аз 250 бех ниҳоли арча шинонида шуда, ҷӯйборҳои обгузар аз партовҳо тоза карда шуданд. Инчунин, дар рафти чорабинӣ зиёда аз 100 нафар аъзо ва ҷонибдорони ҳизб иштирок намуда, дар сарсабзгардонии як гӯшаи диёр саҳми босазо гузоштанд.
