ЁВОН. Дар доираи аксияи ҳизбии “Якҷоя месозем!” дар қатори дигар сокинони саодатманди кишвари азизамон сокинони ноҳияи Ёвон низ ба як қатор корҳои созандагию бунёдкорӣ саҳм гузошта истодаанд.
Ҳамин аст, ки дар доираи аксияи мазкур аз ҷониби аъзо ва ҷонибдорони ҲХДТ, шахсони саховатпеша ва соҳибкорони муваффақ, бо дастгирии аҳолӣ зиёда аз ду километр роҳҳои дохили деҳаи Қашқараҳаи ҷамоати деҳоти Обшорон мумфарш карда шуд.
Ҳамзамон сокинони деҳаи мазкур дар даромадгоҳи деҳа дарвозаи наву замонавӣ бо навиштаҷоти номи деҳа бунёд намудаанд, ки ин яке аз тадбирҳои дигари сокинони ноҳия мебошад.
