ВАХШ. Таҳти роҳбарии раиси ташкилоти ибтидоии ҳизби "Инқилоб" Сурхаков Умаралӣ ва мардуми деҳаи Инқилоб бо ҷонибдорӣ аз сиёсати бобарору ояндадори роҳбарияти давлату Ҳукумати Тоҷикистон дар корҳои созандагию бунёдкорӣ тавассути таъмиру тармим ва сохтмони муассисаҳои таълимӣ фаъолона иштирок карда саҳм мегузоранд.
Аҳли деҳа азм доранд, ки то оғози соли нави хониш муассисаи таълимии дуошёнаи замонавӣ иборат аз 12 синфхона дар деҳаи мазкурро ба таври ҳашар сохта, ба истифода диҳанд.
Масъулини Кумитаи иҷроияи ҲХДТ дар ноҳияи Вахш аз рафти корҳои сохтмонии муассисаи таълимӣ дидан намуда, минадориии хешро аз иқдоми пешгирифтаи ватандӯстонаву хайрхоҳонаи аҳли деҳа ва дастгирӣ аз сиёсати имрӯзаи давлату Ҳукумат оид ба иҷрои корҳои созандагию бунёдкорӣ изҳор доштанд.
