КӮШОНИЁН. Гурӯҳи кории Кумитаи иҷроияи ҲХДТ дар ноҳияи Кӯшониён муовини раиси ноҳия Шукруллозода Дилафрӯз ва раиси Кумитаи иҷроияи ҲХДТ дар ноҳия Шомалангова Миҷгона дар толори ҷамоати деҳоти Навбаҳори ноҳия бо насли калонсол вохӯрӣ баргузор намуданд.
Зимни мулоқотҳо оид ба баланд бардоштани масъулияти падару модар дар самти таълиму тарбияи фарзанд, танзими анъана ва ҷашну маросимҳо, пешгирӣ аз пӯшидани либосҳои ғайр ва доир ба масъалаҳои даъвати ҷавонон ба сафи Қувваҳои мусаллаҳи кишвар ибрози ақида карда, аз иштирокдорон даъват ба амал оварданд, ки дар татбиқи ҳадафҳои созанда масъулият зоҳир намоянд.
