ФАРХОР. Масъулини Кумитаи иҷроияи ҲХДТ дар ноҳияи Фархор дар якҷоягӣ бо намояндагони ташкилоти ибтидоии ҳизбии “Ҳаёти солим”-и ноҳия оид ба пешгирии бемориҳои сироятӣ, самаранок истифодабарии заминҳои наздиҳавлигӣ ва нерӯи барқ дар Ҷамоати шаҳраки Фархор гардиш доир намуданд.
Масъулин ба сокинон маводҳои таблиғотӣ оид ба пешгирии бемориҳои сироятӣ дастрас карда, баъзе тавсияҳои табибонро барои пешгирӣ аз ҳар гуна касалиҳои сироятӣ ба сокинон шарҳ доданд.
Ҳамзамон, оид ба истифодаи самараноки заминҳои наздиҳавлигӣ ва сарфакорона истифодабарии нерӯи барқ ва аҳамияти пардохти ҳатмии ҳаққи истифодаи барқ суҳбат намуданд.
