АНДЕША. Дар асоси фармони Асосгузори сулҳу ваҳдати миллӣ- Пешвои миллат муҳтарам Эмомалӣ Раҳмон дар ҷомеаи навини мо баробарҳуқуқии занону мардон амалӣ гардида истодааст, ки мо инро марҳила ба марҳила дарк менамоем. Ҳамин аст, ки имрӯз дар Ҷумҳурӣ соҳаеро номбар карда наметавонем, ки дар он бонувон кор ва фаъолият надошта бошанд. Имрӯзҳо зани тоҷик олима, муҳандис, омӯзгор, табиб, шоира, нависандаю аъзои маҷлисҳои олӣ, вакили Маҷлиси намояндагон, ҳамзамон роҳбарони ташкилоту муассисаҳои гуногун, тарбияткунандаи насли наврас, нигоҳдорандаи аслу насаби хеш аз он дида бештар дар соҳаҳои мухталиф кору пайкор намуда, дар ободонию шукуфоии кишвари соҳибистиқлоламон нақши муаззам доранд.
Дар ташкилоте, ки зан бону кор ва фаъолият менамоянд, ташкилот ва кормандонашон ба ободонию созандагӣ таваҷҷуҳ намуда, ташкилотро тарбияи ахлоқӣ медиҳанд. Зеро, ки бонуи тоҷик имрӯзҳо яке аз қишри асосии пешбарандаи ҷомеа мебошад. Занҳои имрӯзаи мо дар хона баҳри ба дастовардани маблағҳои иловагӣ дар доираи Солҳои рушди деҳот, сайёҳӣ ва ҳунарҳои мардумӣ корҳои зиёдеро амалӣ намуда истодаанду бо ин амалҳои худ ба фоидаи оила маблағҳои иловагӣ ворид карда истодаанд.
МИЗРОБОВА Шаҳло, мудири шуъбаи занони Кумитаи иҷроияи ҲХДТ дар ноҳияи Данғара
