КӮЛОБ. Бахшида ба 30- солагии Истиқлоли давлатии Ҷумҳурии Тоҷикистон марҳилаи аввали мусобиқаи варзишӣ оид ба футболи хурд барои дарёфти “Ҷоми Ҳизби Халқии Демократии Тоҷикистон” миёни дастаҳои футболи ғайрикасбӣ дар деҳоту маҳллаҳои шаҳр марҳила ба марҳила баргузор гардида истодааст.
Дар ин росто, дастаи “Пахтакор” – и деҳаи Пахтакор бо дастаи “Чорбоғи”-и деҳаи Чорбоғи ҷамоати деҳоти Кӯлоби шаҳри Кӯлоб бо ҳам сабқат намуда, дар натиҷа бо ҳисоби 3 бар 0 бозӣ ба фоидаи дастаи “Пахтакор” хотима ёфт.
Бояд гуфт, ки мусобиқаи мазкур миёни дастаҳои деҳоту маҳаллаҳои ҷамоатҳои Зиракӣ, Кӯлоб, Даҳана ва Зарбдори шаҳр идома дорад.
