Ҷ.БАЛХӢ. Дар ташкилоти ибтидоии ҳизбии “Зарбахш”-и Ҷамоати деҳоти ба номи Алишер Навоӣ дар ноҳия бо иштироки масъулини Кумитаи иҷроия маҷлиси ҳисоботӣ-интихоботӣ доир гардид.
Маҷлисро масъулини ташкилоти ибтидоии ҳизбӣ кушода, оид ба фаъолияти шашмоҳаи ташкилот маълумот доданд. Бо тарафдории аъзои ташкилоти ибтидоӣ раиси ташкилоти ибтидоӣ интихоб шуд.
Сипас, масъулини Кумитаи иҷроияи ҲХДТ дар ноҳияи Ҷалолиддини Балхӣ Алиев Зафар баромад намуда, оид ба вазифаҳои ташкилотҳои ибтидоӣ, дуруст ба роҳ мондани ҳуҷҷатгузорӣ дар назди ташкилоти ибтидоии ҳизбӣ, пешгирӣ аз бемориҳои сироятӣ, тарбияи дурусти насли наврас, ҷалби бештари ҷавондухтарон ба касбу ҳунар ибрози андеша намуд.
