НОРАК. Бо иштироки кормандони масъули Кумитаи иҷроияи ҲХДТ дар шаҳри Норак курси омӯзишӣ барои аъзои бахши намояндагии ТҶҶ “Созандагони Ватан” баргузор гардида истодааст.
Зимни баргузории мулоқот масъулин атрофи мавзӯи “Ташаккули тафаккури миллӣ” ибрози андеша намуда, қайд карданд, ки мақсад аз баргузории чунин курси омӯзишӣ такмил додани дониши сиёсии ҷавонон, аз даст надодани ҳушёриву зиракии сиёсӣ, арҷ гузоштан ба муқаддасоти миллӣ, огоҳӣ пайдо кардан аз таърихи ниёгон ва расидан ба қадри Истиқлолу Ваҳдати миллӣ мебошад.
