АНДЕША. Пешвои миллат натанҳо дар Паём, балки аз ибтидои фаъолияташон пайваста ба ҷавонон таваҷҷуҳи хоса зоҳир намуда, онҳоро мавриди ҳимоят қарор медоданд.
Ҷавонони имрӯза хушбахтанд, аз он хотир, ки онҳо дар солҳои чанги шаҳрвандӣ дар ҳолати дилшикастагиву ноумедӣ қарор доштанд, касе ё қуввае набуд, ки ба онҳо шавқи зиндагӣ ва умед ба ояндаро бахшад. Вале дар ҳамон шароит, ки аксарияти аҳолии Точикистон чавон буд, Президенти Ҷумҳурии Точикистон дар мулоқоти таърихии худ, ки соли 1994 бо ҷавонон шуда гузашт, таваҷҷуҳи ҷавонон ва кулли ҷомеаро дар роҳи бунёди ҷомеаи демократӣ, фаъолнокии созмони ҷавонон дар ҳаёти ҷамъиятии кишвар, омӯзиши илму ҳунар, ихтисосҳои нав ва техникаи ҳозиразамон ҷалб намуда, дастгирии кӯдакони бепарастор, дастгирии мактаб-интернатҳо, таъмини ҷавонон бо манзили истиқоматӣ, пешгирии ҷинояткорӣ, дӯздиву нашъамандӣ, тарбияи хештаншиносиву ватандӯстӣ шуълаи умедро дар қалби ҷавонон барафрӯхт. Ба ҷавонон ҳамаҷониба кумаку дастгирӣ намуданд.
Ин буд,ки ҷавонон эҳсос карданд, ки соҳиб доранд ва дилашон ба ҳаёту зиндагӣ гарм гашт. Имрӯз барои ҷавонон ҳама шароиту имкониятҳо фароҳам оварда шудааст.
Дар ҳамин росто гуфта метавон, ки таваҷҷуҳ ба ҷавонон ва фароҳам овардани ҳама шароит барои рушду пешрафти онҳо яке аз намунаҳои олии ояндабинии Роҳбари давлат мебошад. Зеро ҷавонон нерӯи бузургу боқувват ва нерӯи аслии имрӯз ва умеди ояндаи дурахшони ин миллату давлат ба шумор мераванд.
Боварӣ дорем, ки ҷавонони хушманди мо ҷавобан ба ин ҳама ғамхориҳои Пешвои миллат, тамоми сайъю талоши худро барои донишандӯзиву интихоби касбу кори муосир равона сохта, баҳри ободиву пешрафти Ватани биҳиштосои худ саҳми арзандаву босазои худро мегузоранд.
Сунатуллоева Мавзуна, мудири шуъбаи кор бо занон ва чавонони КИ ҲХДТ дар ноҳияи Ш.Шоҳин
