ПАНҶ. Ба муносибати Рӯзи ҷавонони Тоҷикистон дар якҷоягӣ бо бахши кор бо ҷавонон ва варзиши ноҳияи Панҷ миёни хонандагони синфҳои болоии муассисаи таҳсилоти миёнаи умумии №17, №10 мулоқот дар мавзӯи “Нақши ҷавонон дар тарғиби дастовардҳои давлатӣ” доир гардид.
Мудири бахши кор бо занон ва ҷавонони Кумитаи иҷроияи ҲХДТ дар ноҳия Солиҳов Фирдавс дар бораи дастоварду пешравиҳои ҷавонони тоҷик дар даврони истиқлолият, саҳми назарраси онҳо дар тамоми соҳаҳо, иштироки фаъолонаи онҳо дар чорабиниҳои давлативу сиёсӣ, ғамхориҳои ҳамаҷонибаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро дар самти сиёсати ҷавонон ва пешгирии амалҳои номатлуб байни ҷавонон андешаҳои хешро иброз дошта, тамоми ҷавононро ба муносибати Рӯзи ҷавонон табрику таҳният гуфт.
