КӮЛОБ. Нимаи дуюми дирӯз раиси Кумитаи иҷроияи ҲХДТ дар шаҳри Кӯлоб Гулрухсор Шарифзода аз замини хоҷагии ёрирасони назди Кумитаи иҷроияи ҲХДТ дар шаҳри Кӯлоб дидан намуда, зимни боздид, аз рафти корҳои анҷомдодашуда дар хоҷагии мазкур шинос шуд.
Бояд тазаккур дод, ки замини хоҷагии ёрирасони назди Кумитаи иҷроия 2 гектарро ташкил дода, дар он маҳсулоти навъи картошка шинонида шудааст, ки дар оянда барои таъмини бозори дохилӣ - шаҳр ба ниёзи аввала бо маҳсулоти тару тоза мусоидат хоҳад намуд.
