ТЕМУРМАЛИК. Дар ташкилоти ибтидоии ҳизбии “Дӯстӣ” - и Ҷамоати деҳоти Ҳусайнободи ноҳияи Темурмалик кормандони Кумитаи иҷроияи Ҳизби Халқии Демократии Тоҷикистон дар ноҳияи Темурмалик оид ба тарғибу ташвиқи натиҷаи вохӯрии Асосгузори сулҳу ваҳдати миллӣ – Пешвои миллат, Раиси муаззами Ҳизби Халқии Демократии Тоҷикистон, Президенти Ҷумҳурии Тоҷикистон муҳтарам Эмомалӣ Раҳмон бо фаъолони вилояти Хатлон аз 26 марти соли ҷорӣ дар ноҳияи Кушониён, деҳаи Обшорони Ҷамоати деҳоти Заргар вобаста ба Қонуни Ҷумҳурии Тоҷикистон “Дар бораи танзими анъана ва ҷашну маросим дар Ҷумҳурии Тоҷикистон” суханронӣ намуданд.
Намояндагони ҳизбӣ қайд карданд, ки самаранок истифода намудани ҳар як ваҷаб замини дар ихтиёрдошта ва аз як замин се ё чор ҳосил гирифтан ва сарфакорона истифода бурдани неруи барқ ба хотири расидан ба яке аз ҳадафҳои стратегии кишвар – истиқлолияти энергетикӣ вазифаи ҳар як сокини кишвар ва тамоми ташкилоту муассисаҳо мебошад. Аз ин хотир мо бояд сарфакориро аз оилаи худ оғоз карда, дар таъмини пурраи истиқлолияти энергетикӣ саҳм гузорем.
Ҳамзамон, аъзои ташкилоти ибтидоӣ дар якҷоягӣ Насимзода Ҳотамро раиси ташкилоти ибтидоии ҳизбӣ ва Давлатов Фазлиддинро котиби раиси ташкилоти ибтидоии ҳизбӣ интихоб намуданд.
Инчунин, ба якчанд нафар, ки хоҳиши аъзошавӣ ба Ҳизби Халқии Демократии Тоҷикистонро дошт шаҳодатномаҳои ҳизбӣ супорида шуд.
