ҚУБОДИЁН. Дар асоси дастуру супоришҳои мақомоти болоии ҳизб масъулини Кумитаи иҷроия дар кӯчаву маҳаллаҳои ҳудуди ҷамоатҳои деҳоти Ишмурод Ниёзови ноҳияи Қубодиён ҷиҳати ба дарки мардум расонидани истифодаи самаранок истифода намудани ҳар як порчаи замин бо мақсади расидан ба яке аз ҳадафҳои стратегии кишвар-таъмини амнияти озуқаворӣ корҳои фаҳмондадиҳиро бо усули «хона ба хона» ба роҳ монданд.
Масъулини ҳизбӣ дар корҳои тарғиботӣ аз заминҳои наздиҳавлигии сокинон аз наздик дидан карда, бо онҳо барои истифодаи оқилона истифода бурдани ҳар порчаи замин суҳбату мулоқотҳо анҷом доданд. Аз корҳои тарғиботӣ мушоҳида гардид, ки сокинони ноҳияи Қубодиён дастуру супоришҳои Раиси муаззами ҲХДТ муҳтарам Эмомалӣ Раҳмонро сармашқи кори худ намуда, ҳар як ваҷаб замини дар ихтиёрдоштаашонро самаранок истифода бурда истодаанд.
