КӮЛОБ. Бо иштироки мудири шуъбаи кор бо ҷавонони КИ ҲХДТ дар шаҳри Кӯлоб Дилноза Шоева дарси навбатии курси омӯзишии “Созандагони Ватан” дар мавзӯи “Фаъолияти волонтёрӣ-мактаби рушд ва такмилдиҳӣ ” баргузор гардид.
Зимни баргузории курс аз ҷониби масъулини ҳизбӣ қайд гардид, ки фаъолияти волонтёрӣ айни замон барои ҷавонон мактаби бардошти таҷрибаҳову имкониятҳо ба шумор рафта, то имрӯз мутахассисони зиёдеро барои соҳаҳои гунонгун ҳамчун шахсияти худшиносу ватандӯст омода намудааст.
Дар рафти дарси мазкур кор дар гурӯҳҳо ташкил карда шуда, шунавандагон оид ба фаъолияти волонтёрӣ ва нақши он дар ҳаёти ҷавонон миёни худ суолу ҷавоб намуданд.
