ШАҲРИТУС. Раиси Кумитаи иҷроияи ҲХДТ дар вилояти Хатлон Миралиён Қиёмиддин, мудири шуъбаи кор бо ҷавонони Кумитаи иҷроияи ҲХДТ дар вилояти Хатлон Бобоев Беҳрӯз, раиси КИ ҲХДТ дар ноҳияи Шаҳритус Шарофзода Ҳомидҷон, раиси КИ ҲХДТ дар ноҳияи Носири Хусрав Ализода Сураё, раиси ташкилоти ибтидоии ҳизбии “Баҳористон” Ф.Лоиқов ва дигарон аз рафти сохтмони майдончаи варзишӣ, ки бо дастгирӣ ва саҳмгузории фаъолон, аъзо ва ва ҷонибдорони ҲХДТ ҷиҳати дар сатҳи баланд истиқбол гирифтани ҷашни 30 - солдагии Истиқлолияти давлатии Ҷумҳурии Тоҷикистон саҳмгузорӣ шуда истодааст, дидан намуданд. Зимни шиносоӣ аз рафти сохтмони майдончаи варзишӣ Миралиён Қиёмиддин иброз дошт, ки сохтмони чунин майдончаҳои варзишӣ дар оянда ба манфиати сокинон буда, барои тарғиби тарзи ҳаёти солим, пешгирии насли наврасу ҷавон аз оворагардию дигар амалҳои номатлуб мусоидат мекунад.
