Ҷ.БАЛХӢ. Бо мақсади шарҳу тавзеҳи нуктаҳои Паёми Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии кишвар дар Ҷамоати деҳоти Узуни ноҳияи Ҷалолиддини Балхӣ бо иштироки узви Маҷлисии Миллии Маҷлиси Олии Ҷумҳурии Тоҷикистон Умарализода Мақсудалӣ Умаралӣ ва вакили Маҷлиси намояндагони Маҷлиси Олии Ҷумҳурии Тоҷикистон Шодиён Муҳаммад Султон вохӯрӣ бо интихобкунандагон баргузор гардид.
Дар вохӯрии мазкур аз ҷониби Шодиён Мухаммад Султон ва раиси Кумитаи иҷроияи ҲХДТ дар ноҳия Абдулҳаев Маҳмасаид самтҳои асосии Паём шарҳу тавзеҳ дода шуда, сокинон барои истиқболи сазовори ҷашни 30-солагии Истиқлолияти давлатӣ ҳидоят гардиданд. Дар анҷоми вохӯрӣ аз тарафи интихобкунандагон саволу ҷавоб ва пешниҳоду таклифҳо ба масъулин карда шуд.
