АНДЕША. Агар ба шумораи рӯзномаю маҷаллаҳо ва шабакаҳои телевизионию радио дар давраи шӯравӣ назар кунему онро ба даврони Истиқлолияти Ҷумҳурии Тоҷикистон муқоиса намоем, хоҳем дид, ки дар ҳақиқат дар Ҷумҳурии Тоҷикистон матбуот ва фикрӣ дар матбуот баёншаванда озод аст.
Шумораи рӯзномаҳо аз шашсад адад гузаштааст, ки қисмати хеле зиёди онҳо нашрияҳои ғайридавлатианд.
Ҳамчунин теъдоди телевизиону радиоҳои ғайридавлатӣ низ хеле зиёд гашта, ҳоло ҳам дар ҳоли афзоиш аст.
Ҳақ бар ҷониби Бахтиёр Ҳамидов ҳаст, ки мегӯяд: “Маҳдуд кардани озодии баён имрӯз тақрибан, ки ғайриимкон гаштааст. Дар тамоми ҷаҳон чунин аст, чун мардум ба интернет дастрасӣ доранд ва журналистикаи шаҳрвандӣ хеле рушд кардааст ”.
