ЛЕВАКАНТ. Кумитаи иҷроияи ҲХДТ дар шаҳри Левакант баҳри дар сатҳи баланд ҷашн гирифтани “Рӯзи Модар” дар муассисаи таҳсилоти миёнаи умумии №2 озмуни иншои беҳтарин таҳти унвони “Модар яктост - Тоҷикистон яктост” миёни хонандагони ин муассисаи таълимӣ бо иштироки кормандони масъули Кумитаи иҷроияи ҲХДТ дар шаҳр Суҳроб Валиев ва Каниева Низора баргузор гардид.
Суҳроб Валиев назди ҳозирин баромад намуда, шартҳои озмунро тибқи низомнома муаррифӣ намуда, вобаста дар мавзуи нақши занон дар ҷомеа ибрози ақида намуд.
Дар ҷамъбасти озмун ғолибони озмун муайян гардида, сазовори ҷои якум хонандаи синфи 11 Маҳмадиева Сабрина, сазовори ҷои дуюм Марҳабои Давлатализода ва сазовори ҷои сеюм Абдуназарзода Зуҳро гардиданд. Сипас, аз тарафи намояндагони Кумитаи иҷроияи ҲХДТ дар шаҳри Левакант ғолибон бо Сипосномаҳо қадрдонӣ карда шуданд.
