Н.ХУСРАВ. Бо мақсади ба сокинон фаҳмонидани моҳияти Муроҷиатномаи Ширкати «Барқи Тоҷик» ҳамарӯза гурӯҳи тарғиботии назди Кумитаи иҷроияи ҲХДТ дар ноҳияи Носири Хусрав ва дар ҳамбастагӣ аз хизматрасонии волонтёрӣ бо иштироки волонтёрони назди Кумитаи иҷроия миёни сокинон корҳои фаҳмондадиҳӣ гузаронида мешавад.
Чунин чорабинии ҳизбӣ дар деҳаи 44-Чашмаи ҷамоати деҳоти Истиқлол бо усули «хона ба хона» доир гардида, дар он намояндагони ҳизбӣӣ вобаста ба моҳияти муроҷиатнома ва шартҳои озмуни « Беҳтарин сарфакори барқ!» бо сокинон суҳбат карда, ба ҳар як оила варақаҳои иттилоотиро оид ба масъалаҳои мазкур дастрас карданд.
