ВОСЕЪ. Дирӯз дар ҷамоати деҳоти Рӯдакӣ гурӯҳи тарғиботӣ бо раисони маҳаллаҳо, сокинон оид ба расонидани муҳтавои асосии Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон вохӯрӣ доир намуданд.
Дар вохӯрии мазкур раиси Кумитаи иҷроияи ҲХДТ дар ноҳияи Восеъ Сафар Ҳафиза Раззоқ низ иштирок ва оид ба истифодаи самараноки заминҳо суханронӣ намуд.
Ҳамзамон аз ҷониби баромадкунандаҳо аз ин суханҳои Пешвои муаззами миллат, ки дар Паёми имсола ироа намуда буданд, ёдовар шудаа гуфтанд, ки “Бо дарназардошти вазъи мураккаби ҷаҳони имрӯза мо минбаъд низ бояд тарзе кор кунем, ки ба ҳар гуна мушкилоти эҳтимолӣ омода бошем ва нагузорем, ки мардумамон аз норасоии маводи ғизоӣ танқисӣ ва муҳтоҷӣ кашанд”.
Бо мақсади дастгирии давлатии кишоварзони мамлакат ва таъмини фаровонии бозори истеъмолӣ Пешвои миллат пешниҳод намуданд, ки тамоми кишоварзони мамлакат барои як сол, яъне соли 2021 аз пардохти андози ягонаи замин озод карда шаванд. Ин ғамхориҳои Пешвои миллат барои ҳамаи кишоварзони кишвар имкон медиҳад, ки як ваҷаб заминро низ бекор намонда, софдилона ба халқу миллати хеш хизмат намоянд.
