НОРАК. Дар ташкилоти ибтидоии ҳизбии “Нурофарон” бахшида ба Рӯзи кормандони соҳаи энергетика чорабинии тантанавӣ баргузор гардид. Дар чорабинии мазкур раиси шаҳри Норак Асозода Дилшод Алимурод, раиси Кумитаи иҷроияи ҲХДТ дар шаҳри Норак Гулмуродзода Қумриниссо, Раиси ташкилоти ибтидоии ҳизбии “Нурофарон” Шоиддинов Фазлиддин ва дигар шахсони даъватӣ иштирок намуда, кормандони соҳаи энергетикро бахшида ба иди касбиашон табрику муборакбод гуфтанд.
Инчунин, дар идомаи чорабинӣ 10 нафар фаъолони ҳизб, ки дар татбиқи ғояҳои созандаи ҲХДТ саҳми арзанда гузоштаанд, бо Ифтихорнома ва мукофотҳои молиявии Кумитаи иҷроияи шаҳрӣ сарфароз гардонида шуда, ба 5 нафар аъзои нави ҳизб шаҳодатномаҳои ҳизбӣ супорида шуд.
