ПАНҶ. Дар муассисаи таҳсилоти миёнаи умумии №27-и ноҳияи Панҷ бо иштироки мудири шуъбаи таблиғот, иттилоот ва матбуоти Кумитаи иҷроия Ғафуров Сайдамир мулоқот баргузор гардид.
Масъулин, зимни андешаронӣ қайд намуданд, ки ҷавонон, насли созанда ва бунёкорӣ миллату давлати имрӯзаи тоҷик мебошанд. Имрӯз, ки Тоҷикистон ба марҳилаи тараққиёт ворид гардидааст, дар ин замина лозим аст, ки кадрҳои ботаҷрибаву бомаърифат ба воя расонем. Пас донишомӯзӣ, касбомӯзӣ вазифаи аввалини насли ҷавони кишвар мебошад. Бо ташаббусу дастгирии бевоситаи Пешвои миллат, Раиси муаззами ҳизб муҳтарам Эмомалӣ Раҳмон дар кишвар барои илмомӯзӣ ва касбомӯзии насли наврас ҳама шароитҳо муҳайё гардидаанд.
