ПАНҶ. Бахшида ба 26- солагии таъсисёбии Ҳизби Халқии Демократии Тоҷикистон ва дастуру супоришҳои мақомоти болоии ҳизб дар ташкилоти ибтидоии “Варзишгоҳ” маҷлиси тантанавӣ бо иштироки занону, ҷавондухтарон ва фаъолони ҳизб дар мавзӯи “Зан ва ҷомеа” гузаронида шуд.
Раиси Кумитаи иҷроияи ҲХДТ дар ноҳияи Панҷ Файзизода Каримҷон дар маҷлис иштирок дошта, қайд намуд, ки ҳизби мо аз иҷрои ин вазифаи таърихӣ сарбаландона баромад ва маҳз бо шарофати неъмати бебаҳои сулҳу оромӣ ва Ваҳдати миллӣ давлати мо бомаром рушд карда истодааст ва раванди бунёдкориву ободонӣ пайгирона идома дорад.
Сипас, чанде аз иштирокдорон дар бораи нақши ҲХДТ дар таҳкими ваҳдату ягонагӣ, сулҳу суботи кишвар ва мақому манзалати занон дар ҷомеаи муосир фикру андешаҳои хешро баён дошта, ба аъзо ва ҷонибдорони ҲХДТ 26-солагии таъсисёбии ин ҳизби мардумиро табрик гуфтанд.
