ВОСЕЪ. Дар ташкилоти ибтидои ҳизбии “Фарҳанг”-и ноҳияи Восеъ бо иштироки масъулини Кумитаи иҷроияи ҲХДТ дар ноҳия оид ба самтҳои афзалиятноки фаъолияти ҳизбӣ хониши сиёсӣ баргузор гардид.
Зимни хониши сиёсӣ масъулин ҳамагонро бо Рӯзи таъсисёбии ҲХДТ табрик намуда, қайд карданд, ки Ҳизби Халқии Демократии Тоҷикистон зери шиори «Барои пешрафт ва зиндагии шоистаи мардум!» садоқати худро ба арзишҳои умумимиллии соҳибихтиёрӣ, демократия, баробарҳуқуқӣ ва ошкорбаёнӣ изҳор карда, барои пешрафти ҳамаҷонибаи Тоҷикистон тамоми тадбирҳои имконпазирро амалӣ месозад. ҲХДТ барои таъмини рушди устувор ва бомароми мамлакат, ки бо мақсади муҳайё кардани сатҳу сифати арзандаи зиндагии аҳолӣ, фароҳам овардани имкониятҳои баробар ҷиҳати татбиқи нерӯи инсонӣ дар асоси баробарӣ, адолат ва эҳтиром гузоштан ба шаъну шарафи инсон равона шудааст, пайваста саъю кӯшиш менамояд.
Дар охири хониши сиёсӣ ба 40 нафар ҷавонони фаъоле, ки аризаҳои худро барои аъзо шудан ба ҲХДТ пешниҳод карда буданд, бо тантана билетҳои ҳизбӣ супорида шуд.
