ВАХШ. Бо ташаббус ва дастгирии Раиси Кумитаи иҷроияи ҲХДТ дар вилояти Хатлон Миралиён Киёмиддин дар муассисаи таҳсилоти миёнаи умумии №3-и ноҳияи Вахш дар доираи Аксияи ҳизбии "Ватан ҳар гӯшаатро сарсабз хоҳем кард" зиёда аз 160 бех дарахтони ҳамешасабз бо иштироки аъзои намояндагии ТҶҶ “Созандагони Ватан”, аъзои маҳфили “Волонтёрони ҳизбӣ” ва сокинон шинонида шуд.
Ҳамзамон, дар рафти баргузории Аксияи ниҳолшинонӣ раиси Кумитаи иҷроияи вилоятии ҳизб Миралиён Қиёмиддин бевосита иштирок намуда, бо сокинони маҳал суҳбат ороста, тавсия доданд, ки баҳри ҳамешасабз нигоҳ доштани дарахтони мазкур бояд таваҷҷуҳи махсус зоҳир намоянд ва дар ин росто баҳри сарсабз гардонии Ватани азизамон саҳми арзандаи худро гузошта бошанд.
