ДӮСТӢ. Дар доираи Соли шинохти бештари манфиатҳои миллӣ. Вохӯрии вакилони Маҷлиси вакилони халқи ноҳияи Дӯстӣ Ӯзбеков Нусратулло ва Исмоилов Исматулло бо сокинони ташкилоти ибтидоии ҳизбии деҳаи Абулқосим Лоҳутӣ ҷиҳати дар амал татбиқ намудани дастуру супоришҳои Роҳбарияти олии ҲХДТ доир ба саҳм гузоштан дар рушду ободии Ватан ва тарғиби самтҳои афзалиятноки фаъолияти ҳизб доир гардид.
Дар мулоқот вакилони мардумӣ атрофи истиқболи сазовори ҷашни 30-солагии Истиқлолияти давлатии Ҷумҳурии Тоҷикистон, Солҳои рушди деҳот, сайёҳӣ ва ҳунарҳои мардумӣ» ва самтҳои афзалиятноки фаъолияти ҲХДТ андешаронӣ карда, иштирокдоронро барои дар амал татбиқ намудани ҳадафҳои созандаи ҳизб, аз ҷумла бо дастовардҳои назаррас истиқбол гирифтани ҷашни 30-солагии Истиқлолияти давлатӣ ҳамагонро раҳнамоӣ карданд.
