ВОСЕЪ. Дар доираи Соли шинохти бештари манфиатҳои миллӣ. Бо мақсади пешгирӣ аз бемориҳои сироятӣ дар ноҳияи Восеъ бо маром корҳои фаҳмондадиҳӣ миёни аҳолӣ бо иштироки кормандони Кумитаи иҷроияи ҲХДТ дар ноҳияи Восеъ гузаронида мешавад.
Дирӯз чунин чорабинии таблиғотӣ миёни сокинон масъулини Кумитаи иҷроия дар якҷоягӣ бо аъзои намояндагии ТҶҶ “Созандагони Ватан” гузаронида шуда, роҳ ба роҳ ба сокинон маводҳои таблиғотӣ оид ба пешгирии бемории сироятии каронавирус тақсим карда шуданд, то ки онҳо маълумотӣ бештар пайдо намуда, ба саломатии худ ва наздикон аҳамияти ҷиддӣ зоҳир намоянд. Ҳамзамон, масъулини ҳизбӣ даъват ба амал оварданд, ки нисбати ин беморӣ беаҳамият набуда, ниқобҳои муҳофизатӣ пӯшанд ва мунтазам дастҳоро бо собун шуста, аз маводҳои антисептикӣ истифода баранд.
