Ҷ.БАЛХӢ. Дар доираи Соли шинохти бештари манфиатҳои миллӣ. Масъулини Кумитаи иҷроияи ҲХДТ дар ноҳияи Ҷалолиддини Балхӣ оид ба тарғибу ташвиқи Барномаи пешазинтихоботии номзади ҲХДТ ба мақоми Президенти Ҷумҳурии Тоҷикистон ва инчунин, пешгирӣ аз паҳншавии бемории коронавирус бо усули “хона ба хона” дар кӯчаи Сомониёни Ҷамоати шаҳраки Балх мулоқот доир намуданд.
Зимни баромад муовини раиси Кумитаи иҷроияи ҲХДТ Содиқова Меҳрубону вобаста ба рушди устувори иқтисодӣ ва беҳтар шудани сатҳи зиндагии мардум суханронӣ карда, қайд намуд, ки дастоварду пешравиҳо маҳсули заҳмати софдилонаи халқи азизи Тоҷикистон буда, моро водор месозад, ки дар ояндаи наздик низ бо ҳисси баланди масъулиятшиносӣ фаъолият кунем ва барои ҳар як сокини мамлакат зиндагии шоиставу беҳтарро муҳайё созем.
