ШАҲРИТУЗ. Дар доираи Соли шинохти бештари манфиатҳои миллӣ. Дар муассисаи таҳсилоти миёнаи умумии №2-и деҳаи Ориёни Ҷамоати деҳоти ба номи Худойназар Холматови ноҳияи Шаҳритуз бо иштироки масъулини Кумитаи иҷроияи Ҳизби Халқии Демократии Тоҷикистон дар ноҳияи Шаҳритуз хониши сиёсӣ доир гардид.
Дар рафти хониши сиёсӣ суҳбатҳо оид ба самтҳои афзалиятноки фаъолияти ҳизб, аз ҷумла тарғиби тарзи ҳаёти солим, пешгирии касалии сироятии коронавирус ва Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» мавриди баррасӣ қарор дода шуда, дар охир ба иштирокчиён муроҷиатномаи ҲХДТ оид ба пешгирии бемории сироятии коронавирус супорида шуд.
