МУЪМИНОБОД. Дар доираи Соли шинохти бештари манфиатҳои миллӣ. Бо мақсади сазовор ҷашн гирифтани 30-солагии Истиқлолияти давлатии Ҷумҳурии Тоҷикистон дар деҳаи Деҳлолои Ҷамоати деҳоти Нуралишо Назарови ноҳияи Муъминобод дар доираи Аксияи ҳизбии “Якҷоя месозем!” корҳои ободонию созандагӣ бо маром идома дошта, сокинон ҷои зисти худро таъмиру азнавсозӣ намуда истодаанд, ки аксари корҳои ободонӣ бо тариқи ҳашар сурат гирифта истодааст.
Инчунин, тибқи дастуру супоришҳои мақомоти болоии ҳизб баҳри самаранок истифода намудани заминҳои наздиҳавлигӣ ва ободу зебо гардонидани маҳалии зист намояндагони Кумитаи иҷроияи ҲХДТ дар ноҳия миёни сокинон корҳои тарғиботиву ташвиқотӣ бурда, онҳоро ба амалҳои созанда даъват карданд.
